बेंसीसहर–चामे सडक पुनः सञ्चालनमा, मनाङका १३ गाउँलाई सहज
मनाङ । वर्षापछिको पहिरो र सडक कटानले प्रभावित बेंसीसहर–चामे सडक मर्मतपछि पुनः सञ्चालनमा आएको छ । लमजुङको बेंसीसहरलाई मनाङ सदरमुकाम चामेसँग जोड्ने सडक खुलेपछि स्थानीयको आवतजावत सहज भएको छ ।
मनाङ मर्स्याङ्दी हाइड्रोपावर
कम्पनीले उपकरण, जनशक्ति र इन्धन उपलब्ध गराएर सडक खुलाउन सहयोग गरेको हो । करिब
६० किलोमिटर लामो सडकका क्षतिग्रस्त खण्ड मर्मत गरी छ दिनमा यातायात सञ्चालनमा ल्याइएको
कम्पनीले जनाएको छ ।
असोजमा लगातार चार दिन परेको भारी
वर्षाले सडकका विभिन्न स्थानमा पहिरो खस्नुका साथै बाढीले सडक कटान गरेको थियो ।
केही ठाउँमा सडकको आधार संरचनासमेत क्षतिग्रस्त भएको थियो । अन्य जलविद्युत्
आयोजना र स्थानीय सडकसम्बन्धी निकायसँग समन्वय गरेर मर्मत गरिएको हो । काममा
एक्स्काभेटरलगायत उपकरण र आवश्यक सामग्री परिचालन गरिएको थियो ।
सडक पुनः सञ्चालनबाट मनाङका १३ गाउँका
करिब पाँच हजार छ सय नागरिक लाभान्वित भएको कम्पनीले जनाएको छ ।
