बीवाईडी सिल ०७ को नयाँ पुस्तामा ८७५ किमिसम्म सीएलटीसी रेन्ज
बीवाईडीको दोस्रो पुस्ताको सिल ०७ चीनका डिलरमा पुग्न थालेको छ । पूर्ण विद्युतीय र प्लगइन हाइब्रिड विकल्पमा आउने यो सेडानको विद्युतीय संस्करणमा अधिकतम ३०० किलोवाट अर्थात् करिब ४०२ हर्सपावर र ८७५ किलोमिटरसम्म सीएलटीसी रेन्ज उल्लेख छ ।
विद्युतीय संस्करणमा २४५ र ३००
किलोवाटका दुई मोटर विकल्प छन् । यी संस्करणमा क्रमशः ७६.७४४ र ८८.६८२ किलोवाट
आवरका एलएफपी ब्याट्री प्रयोग गरिएका छन् । कम पावरको संस्करणको रेन्ज ७७५
किलोमिटर र बढी पावरको संस्करणको ८७५ किलोमिटर उल्लेख छ । दुवै चिनियाँ सीएलटीसी
परीक्षण प्रणालीका आँकडा हुन् ।
नयाँ सिल ०७ को लम्बाइ ५,०८० मिमि, चौडाइ
१,९६० मिमि र उचाइ १,४९५ मिमि छ । यसको ह्विलबेस २,९६० मिमि छ । अघिल्लो मोडलको
तुलनामा लम्बाइ ८५ मिमि, चौडाइ ५० मिमि र ह्विलबेस ६० मिमिले बढाइएको छ ।
प्लगइन हाइब्रिड संस्करणमा १.५ लिटर
टर्बो पेट्रोल इन्जिनसँग इलेक्ट्रिक मोटर जोडिएको छ । यसमा रहेको ३८.०२९ किलोवाट
आवरको ब्याट्रीबाट डब्लुएलटीसी परीक्षणमा २४५ किलोमिटर विद्युतीय रेन्ज उल्लेख छ
