३ अर्ब ७३ करोडका विद्युतीय मिनिबस भित्रिए, संख्या ९९८
नेपालमा चालु आर्थिक वर्षको पहिलो तीन महिनामा ११ देखि २५ सिट क्षमताका ९९८ विद्युतीय यात्रुवाहक सवारी
आयात भएका छन् । त्यसमध्ये असोजमा
मात्रै ४५५ गाडी भित्रिएका हुन् । तीन महिनाको कुल आयातमा असोजको हिस्सा करिब ४६
प्रतिशत छ ।
भन्सार विभागको आर्थिक वर्ष २०८३/८४
को साउनदेखि असोजसम्मको सञ्चित तथ्यांकअनुसार ११ देखि २५ सिट क्षमताका पूर्ण
विद्युतीय यात्रुवाहक सवारीको उक्त संख्या आयात भएको हो ।
साउन र भदौमा संयुक्त रूपमा ५४३ गाडी
भित्रिएका थिए । असोजमा मात्रै भएको आयात पहिलो दुई महिनाको संयुक्त संख्याभन्दा
८८ गाडी कम हो ।
तीन महिनामा आयात भएका यी सवारीको कुल
आयात मूल्य ३ अर्ब ७३ करोड ५ लाख रुपैयाँ छ । यस समूहको आयातबाट सरकारले करिब १
अर्ब १४ करोड १३ लाख रुपैयाँ राजस्व संकलन गरेको छ ।
उक्त शीर्षकअन्तर्गत आयात भएका सबै
९९८ गाडी चीनबाट आएका छन् । यस अवधिमा यो समूहमा अन्य मुलुकबाट आयात भएको देखिँदैन
।
यो संख्या ११ देखि २५ सिट क्षमताका
विद्युतीय यात्रुवाहक सवारीको मात्रै हो ।
