साउन–भदौमा ११५, असोजमा १७९ सिंगल–क्याब विद्युतीय पिकअप भित्रिए
काठमाडौँ । नेपालमा साउन र भदौको संयुक्त संख्याभन्दा असोजमा बढी सिंगल–क्याब विद्युतीय पिकअप आयात भएका छन् । पहिलो दुई महिनामा ११५ गाडी भित्रिएकामा असोजमा मात्रै १७९ गाडी आयात भएका हुन् ।
भन्सार विभागको आर्थिक वर्ष २०८३/८४
को पहिलो तीन महिनाको तथ्यांकअनुसार साउनदेखि असोजसम्म २९४ पूर्ण विद्युतीय
सिंगल–क्याब चारपाङ्ग्रे पिकअप भित्रिएका छन् । कुल तीनमहिने आयातको करिब ६१
प्रतिशत असोजमा आएको हो ।
असोजको आयात साउन र भदौको संयुक्त
संख्याभन्दा ६४ गाडी बढी छ । यस अवधिमा आयात भएका सिंगल–क्याब पिकअपको कुल आयात
मूल्य करिब ४३ करोड ५९ लाख रुपैयाँ रहेको छ ।
यो समूहको आयातबाट करिब १७ करोड ३८
लाख रुपैयाँ राजस्व संकलन भएको छ । आयात भएका २९४ गाडीमध्ये २७१ चीन र २३ भारतबाट
आएका छन् । संख्याका आधारमा चीनको हिस्सा करिब ९२ प्रतिशत छ ।
डबल–क्याब विद्युतीय पिकअपको छुट्टै
समूहमा भने तीन महिनामा १९ गाडी आयात भएका छन् । ती गाडीको आयात मूल्य करिब ९ करोड
९३ लाख रुपैयाँ छ ।
सिंगल–क्याब र डबल–क्याब जोड्दा तीन
महिनामा कुल ३१३ विद्युतीय पिकअप भित्रिएका छन् । दुवै समूहको संयुक्त आयात मूल्य
करिब ५३ करोड ५२ लाख रुपैयाँ हुन्छ ।
