टाटाको ईभी बिक्री ७५ प्रतिशत बढ्यो, अक्टोबरमा १६ हजार २४४ गाडी
काठमाडौँ । भारतीय गाडी निर्माता टाटा मोटर्स प्यासेन्जर भेहिकल्सले सन् २०२६ को अक्टोबरमा भारत र अन्तर्राष्ट्रिय बजारमा गरी १६ हजार २४४ विद्युतीय गाडी बिक्री गरेको छ । अघिल्लो वर्षको समान महिनाको तुलनामा कम्पनीको ईभी बिक्री ७५ प्रतिशत बढेको हो ।
कम्पनीले स्टक एक्सचेन्जमा बुझाएको
मासिक विवरणअनुसार सन् २०२५ को अक्टोबरमा ९ हजार २८६ ईभी बिक्री भएका थिए । यस
वर्ष सोही महिनामा ६ हजार ९५८ गाडी बढी बिक्री भएका छन् ।
ईभीसमेत समेटिएको टाटाको कुल
यात्रुवाहक गाडी बिक्री अक्टोबरमा ७५ हजार ४२६ पुगेको छ । अघिल्लो वर्षको समान
महिनामा ६१ हजार २९५ गाडी बिक्री भएकोमा यसपटक २३ प्रतिशत वृद्धि भएको हो । यी
संख्याका आधारमा कम्पनीको कुल यात्रुवाहक बिक्रीमा ईभीको हिस्सा करिब २१.५ प्रतिशत
छ ।
भारतभित्र यात्रुवाहक गाडीको बिक्री
२१ प्रतिशत बढेर ७३ हजार ८९४ पुगेको छ । अघिल्लो वर्ष यो संख्या ६१ हजार १३४ थियो
। अन्तर्राष्ट्रिय बजारतर्फको बिक्री भने १६१ बाट बढेर १ हजार ५३२ पुगेको छ । यो
अन्तर्राष्ट्रिय संख्या विद्युतीयसहित सबै यात्रुवाहक गाडीको हो ।
नेपालमा पनि टाटाका विद्युतीय गाडी
बिक्री हुँदै आएका छन् । आधिकारिक वितरक सिप्रदी ट्रेडिङले टियागो ईभी, पन्च ईभी,
नेक्सन ईभी र कर्भ ईभीलगायत मोडल उपलब्ध गराउँदै आएको छ ।
