यामाहाको ‘चङ्गा चेट’ दसैँ राइडमा चार रुटका ९५ राइडर सहभागी
काठमाडौं । यामाहा नेपालको राइडिङ समुदाय ब्लु स्ट्रिक्सले दसैँको अवसरमा आयोजना गरेको ‘चङ्गा चेट’ फेस्टिभ राइडमा ९५ जना राइडर सहभागी भएका छन् । पूर्वी नेपाल, चितवन, मकवानपुर र काठमाडौं उपत्यकाका चार रुटमा कार्यक्रम गरिएको यामाहा नेपालले जनाएको छ ।
कम्पनीले अक्टोबर ११ मा जारी गरेको
विज्ञप्तिअनुसार धरानदेखि भेडेटार फार्म भिलेजसम्मको राइडमा २० जना र चितवनदेखि
मायाटारसम्मको राइडमा २५ जना सहभागी थिए । हेटौँडादेखि मकवानपुरगढीसम्म २० जना तथा
काठमाडौंको बुढानीलकण्ठसम्मको राइडमा ३० जनाको सहभागिता थियो ।
दसैँको अवसरमा राइडरलाई एकसाथ यात्रा
गर्ने र विभिन्न गन्तव्य अवलोकन गर्ने अवसर दिन कार्यक्रम आयोजना गरिएको कम्पनीले
जनाएको छ । ब्लु स्ट्रिक्सले राइडिङमा रुचि राख्ने सदस्यलाई सामूहिक यात्रामार्फत
जोड्दै आएको छ ।
एमएडब्ल्यूका कार्यकारी निर्देशक तथा
प्रमुख कार्यकारी अधिकृत दीपक अग्रवालले विभिन्न रुटका राइडरलाई जोडेर दसैँको खुसी
र आपसी एकताको भावना बाँड्ने उद्देश्यले कार्यक्रम गरिएको बताए ।
